يوميات بنات شقاوه بس اخر حلاوه

هههههههه تقصدي مين لا كده انا كمان حدرب كراتيه و حيبقة بينا الحزام الاسود

مرت الايام ع البنات الثلاثه وهما بيرحو المطعم كل يوم وبيذاكرو وجت امتحانات نصف العام واليوم اخر يوم ف الامتحانات
بعد الامتحان
ملك : هيييييييييييه انا مش مصدقه نفسى اخيرا خلصت
شاهى : انا فرحانه اوى
ريتاج : ايه رأيكو نروح نتفسح فسحه حلوة بالمناسبه دى
ملك : بس الفلوس اللى معاى مش هتكفى ..اروح اجيب فلوس الاول
شاهى : اوك
وروحت ملك ودخلت البيت وريتاج وشاهى مستنينها ف عربيه والد ريتاج
ملك : ماما ..ماما
سمعت ملك صوت والديها من غرفه مكتب ابيها
ذهبت تجرى لهما وسمعت الحوار الاتى صدفه
الاب(عبد الله) : ملك كبرت ولازم تعرف الحقيقه
الام (نهال ):انا خايفه عليها ياعبدالله
عبد الله : احنا ربناها وهيا ما شاء الله بقت عروسه ولازم تعرف كل حاجه
دخلت ملك عليهم
ملك : لازم اعرف ايه ؟؟؟
نظرت الام للاب بخوف وحسرة ومرارة
الام : ايه ياملك ازاى تقفى تتصنتى علينا كده
ملك : انا اسفه مكنش قصدى ..انا سمعت صدفه والله ..بس قوليلى بقى ياقمر انتى ايه اللى خايفه عليا منو ؟؟
حسم الاب الموقف بقوله : ملك بصى يابنتى انتى كبرتى ولازم تعرفى ان ..احنا مش اهلك الحقيقين
اتصدمت ملك وذهلت ولم تستوعب الكلام ف البدايه
ملك : يعنى ايه ؟
الاب بتوتر : يعنى انا مش باباكى ولا دى مامتك
الام : وهى ترجع بذاكرتها للوراء
ياحبيبتى باباكى الحقيقى سابك عشان مكانش معاه فلوس وده اللى نعرفو ..انا وعبد الله كنا نعرف صاحب الملجأ اللى كنتى فيه ..
ملك مقاطعه : انا كنت ف ملجأ
ثم رمت نفسها ع اقرب كرسى
اكمل الاب نيابه عن الام : انا كنت اعرف صاحب الملجأ ومكناش بننجب ساعتها فتبنناكى 14 سنه ساعتها كان عندك سنه واحده
ثم اخذ نفسو واكمل : وبعدين باباكى مسألش عنك تانى بس انا شوفت انك لازم تعرفى الحقيقه
ملك : يعنى انا لقيطه
ثم نظرت اليهما والدموع ف عينها وجريت ع غرفتها

نروح لريتاج وشاهى
ريتاج : ملك اتأخرت اوى تعالى نشوفها
شاهى : اوك يلا بينا
ملك...ملك
اول مدخلو الفيلا شافو ملك بتجرى ع السلم وندهو عليها ومش بترد وطلعت وراها مامتها
شاهى : هيا ملك مالها يا طنط
الام : معلش يا حبيبتى ملك تعبانه شويه
ريتاج : طيب ممكن نطلع نشوفها
فكرت الام قليلا ثم قالت :اطلعو
شاهى تهمس لريتاج وهما بيطلعو : ازاى تعبانه ..هيا مش لسه كانت معانا
ريتاج : ف حاجه غريبه هنعرفها من ملك
خبطت ريتاج ع غرفه ملك
ملك وهى تبكى : مش عايزة حد يخش
ريتاج : ملك انا ريتاج ومعايا شاهى فيه ايه
ملك ولازالت تبكى : قلتلكم مش عايزة اشوف حد
بس البنتين استغربو جدا ودخلت شاهى واول مشافتهم هما الاتنين بدأت ف البكاء اكثر وبحرقه
وهى تقول:انا لقيطه يا ريتاج ..انا لقيطه يا شاهى
تنظر ريتاج لشاهى بأستغراب
شاهى : اهدى طيب عشان نفهم
ريتاج :اهدى ياملك اهدى ياحبيبتى
حاولت ملك ان تهدى من نفسها وكل ماحاولت واخذت ف الاتذكر انفجرت مرة اخرى ف البكاء
والبنتين يحاولو يهدؤ من روعها
وبعد ذالك حكت لهم ملك ما حذث مع ابيها وامها
ريتاج : طيب هدى نفسك عشان خاطرى
شاهى : العياط مش هيفيد يا ملك ..اهدى ياماما
ملك : انا لازم اعرف مين ابويا الحقيقى
ريتاج : وهتعرفيه ازاى؟؟
ملك : هروح الملجأ اللى لقونى فيه

نزلت ملك بسرعه ع السلم
ملك وهى تنظر لامها: انا عايزة اعرف عنوان الملجأ
الام : ليه ؟؟
ملك : محدش ليه دعوة بيا انا عايزة اعرف عنوان الملجأ وخلاص
غضبت نهال بشده : ملك انتى ازاى ..
قاطعها الاب : اديها العنوان
الام : ايه ؟
الاب : اديها العنوان بقولك
الام :مش لما نعرف هتروح تعمل ايه
الاب : تعالى يا ملك العنوان ....
ملك وهى تجرى : شكرا
الام : ازاى تديها العنوان
الاب :انا عارف هيا هتعمل ايه

طلعت ملك بنفس السرعه
وقالت: يلا يابنات هتروحو معايا ولا اروح لوحدى
شاهى : طيب مش لما نفهم انتى هتروحى الملجأ تعملى ايه؟؟
ملك : هسأل ع ابويا الحقيقى
ريتاج : اه وانتى فاهمة انك هتلاقيه مستنيكى
ملك : لاء طبعا ..بس اعرف اى حاجه توصلنى ليه..لو مش عايزين تروحو معايا اوك
ريتاج : مش عايزين ده ايه ..انا معاكى
شاهى : وانا كمان
ذهب البنات الى العنوان لقو مبنى الملجأ قديم جدا ومتهالك دخلوه وسألو عن صاحب الملجأ ودخلو
ملك : لو سمحت ..انا كنت عايزة اسأل ..هو انتو عندكو اسامى كل الناس اللى بيسيبو اولادهم هنا
الرجل : ايوة يا بنتى
ملك : طيب الاسامى اللى من 14 سنه تقدر تعرفهالى
الرجل : ياااااااه 14 سنه ..صعب اوى بس ممكن احاول
ملك : طيب انا البنت اللى اتبناها صاحبك عبدالله احمد
الرجل : بجد اهلا اهلا يابنتى اتفضلى
ملك : شكرا ..انا كنت عايزة اعرف اسم بابايا الحقيقى
الرجل : اه هو قالك ..بما ان اللى اتبناكى صاحبى العزيز فمقدرش انسى اسم باباكى الحقيقى
كان اسمو ...اسمو ...طارق حاجه بس طارق ايه مش فاكر الحقيقه ..
ملك : لاء بليز افتكر انا لازم اعرف
الرجل : ايوة ...طارق عثمان ..كان اسمو طارق عثمان ..بس ده يابنتى سافر امريكا
ملك : امريكا ..طيب ميرسى اوى يا اونكل..بعد اذنك
الرجل : سلميلى ع عبد الله
ملك : الله يسلمك




اسئله ملزم كل من يقرأ القصه يجاوب عليها :1-ياترى ملك هتعمل ايه ؟؟
2-ايه اكتر شخصيه عجباكو ؟؟

حتسأل على باباها في السفارة


و عجباني شخصية شاهي
وشكرا على الحلقة دي بقت فلم هندي

مشكوره علي مرورك واجابتك علي الاسئله هيه فعلا بقت فيلم هندي ههههههههههههه مش قولت هيبقي فيها اثاره

اه والله نفسي اعرف الي هيحصل

هتعرفي مش تستعجلي

اوكي فين بس الحلقة انا حموت

لا بعد الشر عليكي ياقمر هتنزل حالا

بعد ما ملك طلعت من الملجأ ركبت السياره الى كان فيها ريتاج وشاهى وقالت ريتاج بتساؤل :ايه الى حصل جوا؟
وبدأت ملك تحكيلهم كل الى خصل من طقق لسلام عليكو ..
ملك بتنهيده:بس هو ده الى حصل ......
شاهى بجديه:طب انتى هتعملى ايه دلوقتى ؟؟
ملك بحيره :والله مش عارفه ..بس كل الى انا عرفاه انى لازم اشوف بابا..
ريتاج:طب والمدرسة هتعملى فيها ايه ؟؟
ملك بحيره اكبر:مش عارفه..... مش عارفه ... (مسكت رأسها ) مين الى كان متوقع انى ممكن يحصلى كدا
شاهى وهيا بتخفف عليها:ربك يحلها ....رجب(اسم السواق)متشغل حاجه ..
ريتاج:لالالالا ..بما ان احنا فى الاجازه ايه رايكم نروح الملاهى؟
شاهى:والله فكره...ماهو انتى بتعرفى تفكرى اهوو امال عامله فيها عبيط افندى ليه يا ختى؟
ريتاج بضحكة مصتنعه:هاهاهاها (وبعدين كشرت )باااايخه
شاهى:ما علينا ها هنروح فين بقى ؟؟
ملك باستغراب:غريبه...مش من عواديك يعنى يا شاهى انك تسكتى لريتاج ايه الى حصل الشمس طالعه منين النهارده؟؟
شاهىباستهبال:من الشمااال ..لا علشان انا مش فايقه لها
ريتاج بخبث: امال فايقه لمين ..لعلى مثلا ؟؟
شاهى: ههههههههههه ضحكتينى وانا مش عايزه اضحك ..على مين وحسين مين .يابنتى انا قلبى قفلته بمفتاح ورميته فى البحر
ريتاج بخبث:امال وشك بيقلب اشاره مرور ليه لما يبصلك ياختى
شاهى بضيقه :ريتاج اقفلى على الموضوع احسنلك ..يلا قولتو ايه هنروح فين ؟؟
ريتاج عرفت ان شاهى اتضايقت من الحكايه فمرتضش تتكلم فيها تانى :ايه رأيكم فى .......
شاهى:اوكى معنديش مانع وانتى يا ملك ايه رأيك؟
ملك بضيقه:الى يعجبكم.
ريتاج:طب ايه رأيكم نروح نأكل حاجه وبعدين نروح ...............
ملك وشاهى:اوكى
شاهى :بس غير المطعم اياه
ريتاج بتحايل :لالالا والنبى اخر مره يا شوشو
شاهى:دلوقتى بقيت شوشو يا ختى لا انا عرفاكى انك عيله وهترجعى فى كلامك تانى
ريتاج بنفس التحايل :لالالا اخر مره بليييييز ..ملك متقولى حاجه
ملك :مخلاص يا شيشه(دلع شاهى هههههههه)سيبها المرادى بس
شاهى :طيب بس احنا ملناش دعوه بيهم اوكى
ريتاج بابتسامه:ماشى يا عسل..
شاهى باستهبال:ماشى ولا بيعرج ..هههههههههه
وانفجروا فى الضحك وقالت ريتاج بعد نوبه الضحك:رجب اطلع على المطعم
رجب :تحت امرك

ولما وصلو المطعم قالت شاهى:الحمدلله انهم مش موجودين
وحست ريتاج بخيبه امل كبيره وجلسوا على طاوله وبعد مرور حوالى عشر دقائق
وصل احمد وعلى وحست ريتاج بفرح كبييير وسرعان ما تحول هذا الفرح على حزن حين قالت شاهى:انتى اسكتى وانا اتكلم معاهم ماشى
وجت ريتاج ترد عليها قاطع كلامهما قدوم احمد وعلى وقال احمد:ازيكم يا بنات ايه الغيبه دى
ومحدش رد عليه وقال على وهو يوجه نظره لشاهى:ايه اتأخرنا عليكم
شاهى: ومين الى قالك ان احنا كنا مستينكم من اصله
احمد:الله الله ..طب ليه ليه الوش ده بس
شاهى :هو كدا اذا كان عجبك ولا مش عجبك يلا يا بنات
وقامو البنات التلاته وعدت ريتاج من عند احمد وبصتله شوويه وبعدين مشيت من عنده
ولما طلعو بره قالت ريتاج بعصبيه:ممكن افهم يا ست شاهى انتى ايه الى عملتيه جوا ده
شاهى :احسن يستاهل
ريتاج:هو مين ده الى ي.....
وقاطعتها ملك :خلاص يا جماعه يلا بينا على الحديقه

وركبوا العربيه


نــــــــــــرجع لوراء شويه
عند احمد وعلى
كانو احمد وعلى فى ذهول تام قام على وقال :انت فاهم حاجه يا احمد؟
احمد:لا ...انت فاهم حاجه
على :لا البت شاهى بتعمل معانا كدا ليه ؟
احمد :وانا ايش عرفنى يا اخويا
على :طب تعال نروح وراهم
احمد:يلااا......
وطلعو وراهم وشافوهم وهما بيطلعو العربيه واخدو عربيتهم وطلعو وراهم
ولما وصلو البنات قطعو تذاكر ودخلو جوا وهكذا احمد وعلى وراهم
وقعدو فى مكان وقالت ملك :حد يروح يجيب لنا حاجه نأكلها احسن احنا ملحقناش ناكل فى المطعم
ريتاج :انا هروح عايزين ايه
شاهى :انا عايزه .......و.......
ملك :وانا زيها
ريتاج:من عيونى سلااام
ومشيت ريتاج ولما شافها احمد ماشيه قال لعلى الى كان مش منتبه ليه اصلا علشان كان بيبص لشاهى من بعيد:على شوى كدا وجاى خليك هنا اوكى؟
ومردتش عليه على ومشى وسابه وقام احمد مشى وراء ريتاح بمسافه بعيد شويه وبعدين لقى شويه شباب بيعاكسوها
قام وجه عندهم وقال:فى ايه يا روح امك سكتك خضرا
واحد من الشباب :وانت مالك انت يا خفيف اطلع منها بس
احمد بعصبيه :هتمشى ولا اوريك حاجه عمرك ماشوفتها
وخافو الشباب ومشيوا والتفت الى ريتاج وقال :انتى كويسه؟
ريتاج باستغراب:كويسه ..انت ايه الى جابك هنا
احمد :رجليه الى جابتنى
ريتاج:ههههههههههههه
احمد بابتسامه :تعرفى ان ضحكتك حلوه؟
ريتاج بغرور:عارفه اتقالتى كتير
احمد بغيره :ومين بقى الى قالك
ريتاج: ناااس
احمد: ما انا عارف انهم ناااس بس مين؟؟
ريتاج:وانت بتسأل ليه ؟؟؟
احمد برتباك:عادى يعنى فضول
ريتاج:طب خلى فضولك لنفسك
كفايه كدا النهارده وان شاء الله الحلقه تكون عجبتكم
فى امان الله

عجبتنى لدرجة انى مش قادره استنا يلا هاتى اللى بعديها بسرعه

نعم نعم؟؟ اجيب ايه الخط بيفصل هههههههههههههه
مش سامعه قصدي مش شايفه اصبري ياماما انتي وهيه بلاش هزار والا ابقو اكتبو انتو الباقي من تاليفكم علشان لسا مش كملت

واحنا مالنا كل اللى نعرفه ان احنا عايزين باقى القصه وخلاص

ههههههههههه خلاص بس مش طمع اوي يعني مش كل يوم حلقتين كده حرااااااااااااااااام

ريتاج:ممكن تسبنى امشى بقى

احمد:متمشى هو انا ماسكك
ريتاج كده طيب ..سلام
وجايه ريتاج تمشى فقال احمد :ريتاج استنى بس
ريتاج وهى تمشى :فى ايه يا احمد
احمد: انتى زعلتى ولا ايه
ريتاج وهى تنفخ :لاء هزعل من ايه
احمد:امال بتنفخى ليه؟؟
ريتاج:عادى بتنهد
احمد:ااه شكلك مش طايقانى اصلا..ممكن اعرف ايه غيرك كده ؟؟
ريتاج بنفاذ صبر:غيرنى ايه واحنا كان بنا ايه اصلا عشان يتغير
احمد : ااه عندك حق انا اسف انا اللى غلطان بعد اذنك
حست ريتاج بالذنب لما مشى احمد وكانت عايزة تصالحو بس مشيت وراحت لملك وشاهى

راح احمد لعلى اللى كان لسه بيبص ع شاهى مشالش عينو من عليها
احمد :على ...على
على :ايه عايز ايه؟
احمد:يلا نمشى
على :ايه نمشى ليه هو انت وريتاج اتخانقتو
احمد:نتخانق ايه..يلا بس يا عم
وفى نفس الوقت رجعت ريتاج للبنتين
شاهى:فين الاكل؟؟
ريتاج :نسيت كنتو عايزين تاكلو ايه
ملك:نسيتى ازاى يعنى..تايهة
ريتاج:يووو بقى ..روحى انتى
ملك :طيب اوك
راحت ملك ف نفس الوقت اللى اتحرك فيه الولدين
جه ولد اسمو وليد شد عقد ملك فقامت ضربتو بالقلم
.................................................. ..........................................
وليد ولد مصرى عايش بأمريكا من سنين بينزل مصر زيارات بس هو ولد مش محترم ف تصرفاتو مع الكل
.................................................. ...........................................
وليد:انتى قد الحركه دى يابت
ملك :بت ايه يا حيوان انت انا بلعب معاك ف الشارع
وليد:حيوان انا حيوان..
وجاى يرفع ايدوعشان يضربها بالقلم جه على ومسك ايدو وهو بيقول:ايه يا عم الحلو هتمد ايدك علي بنت
وليد:ماهى اللى ضربت وشتمت وانا ساكت
احمد :ليه هى مجنونه اكيد عملت حاجه
وليد:ده بس العقد بتاعها شبك ف الى شيرت غصب عنى يعنى
ملك :كداب
جت شاهى وريتاج بسرعه:في ايه
احمد:استنو انتو يابنات ..غصب عنك ازاى يا كابتن يعنى
وليد:زى الناس
احمد:ااه ده انت بتستعبط بقى وبتعاكسها
على :لم نفسك يلا ومكلمهاش تانى انت فاهم
وليد:ايه ده ايه ده انتو الاتنين عليا انتو فاكرين نفسكو ايه
احمد:بقولك ايه ولا فاكرين ولا مش فاكرين انت ف حالك واحنا فى حالنا
وليد ينظر لملك:حسابك معايا بعدين
ومشى فقال احمد: معلش ياملك خدى بالك وانتى ماشيه
ملك بعصبيه:قصدك ايه
احمد:ولا قصدى ولا غيرو اساسا شكلكو انتو التلاته ف حاجه معصباكو النهارده وانا مش عايز اعرف ...سلام
مشى احمد وعلى فقالت ريتاج :هو فيه ايه اللى حصل لكل ده
ملك :الزباله ده شد العقد بتاعى فقمت ضربتو بالقلم
شاهى :طب وعلى واحمد كانو مخنوقين اوى كده ليه
ملك :معرفش مش مهم
ريتاج :اه ..مش مهم
.................................................. .................................................. ........
نروح للاستاذ عبدالله ونهال والدا ملك
عبدالله :فاكرة يانهال من 14 سنه فاتو
نهال :وده يوم يتنسى انا فاكراه زى امبارح
رجعو بذاكرتهم لورا 14 سنه
دخل عبدالله ونهال الملجأ فرحب بيهم صاحب الملجأ:اهلا اهلا منورين اهلا يا مدام نهال منورة الملجأ كلو
نهال: ميرسى ربنا يخليك ده بس من زوقك
عبدالله :احنا كنا قريبين من هنا قلنا نعدى نسلم عليك
سابت نهال عبدالله وصاحبه يتكلمو وراحت تشوف الاطفال ثم تذكرت الدكتور لما قال انها مش هتجيب اطفال لاسباب مجهوله
وشافت طفله عمرها مايقارب السنه فقربت منها: ياخراشى انتى عسل خالص
وقاعدت تلاعب الطفله وتضحك ثم حملتها وجه عبدالله :مين القمر دى ...عسوله اوى
نهال : عبدالله انا مش همشى من هنا الا لما تكون معايا القمر دى
عبدالله :خلاص فقدتى الامل ف الله
نهال: لاء بس....
جه صاحب الملجأ ومعاه كوبايتين ليموناده وكوب مياه
وقال:دى بقى ياستى احدث واحده هنا
عبدالله :شكلها مش هتقعد هنا كتير
وقعد يكلمو شويه ونهال بتلاعب الطفله وساعتها صاحب الملجأقال لعبدالله :البنت دى والدها جبها من 4 شهور ومجاش تانى
عبدالله نظر لنهال التى تنظر الى الطفله بحنيه وابتسم بحنان بالغ
.................................................. .................................................. ........

الحلقه دى تجنن مستنيا الباقى

قريب انشاء الله

اتأخرتى قوى المرادى

نظر عبدالله الى نهال التى تنظر للطفله بحنان ثم اخذ يتحدث مع صديقه ثم قال لها: هيا بنا قالت: والطفله بالطبع قال: طبعا طبعا
وفى العربيه :
نهال :هنسميها ايه
عبدالله :معرفش شوفى انتى
نهال :دى عامله زى الملاك ..يه رأيك ف ملك
عبدالله :الله جميل خالص ..خلاص اتفقنا
.................................................. .................................................. ....

احمد وعلى بعد ماسبو البنات مشيو من غير ماينطقو بكلمه
قطع الكلام على بعد ما زهق من السكوت :احمد انت ليه كنت متعصب كده ساعه مكنت بتكلم ملك
احمد:انا مكنتش متعصب ولا حاجه
على:طيب وهتعمل ايه مع ريتاج هتعمل زى ما قلت فعلا
احمد :هة وانا قلت ايه
على: قلت انك هتوريها شغلها كويس
احمد :على انت بقيت بترغى كتير كده ليه
على :انا برغى يا احمد ماشى متشكر كل ده علشانها
احمد :علشان مين بس بطل تهيس
على :لاء يا احمد انت باين عليك انك حبتها فعلا
احمد :انا حبتها ؟؟ لاء يا على محبتهاش انت اتجننت
على : لاء يا احمد متجننتش انت بتحبها فعلا
مرضش عليه احمد وفضلو ماشيين ساكتين
.................................................. .................................................. ........

نروح بقى لوليد وهوة ماشى بيكلم نفسه
وليد:انا يتعمل فيا كده ماشى وشكل الولدين والبنتين دول تبعها اصلا
بس ماشى وحياة اغلى حاجه عندى لهوريها بس واحده واحده عليا،
بس ازاى هشوفها تانى ؟؟؟
اممممممممم طيب مش مشكله دلوقتى ،ازاى مش مشكله ايه الغباء ده منا لو سبتها تضيع من ايدى دلوقتى مش هعرف اجبها تانى طيب خلاص انا همشى وراها لغايه معرف ايه نظامها البت دى .

.................................................. .................................................. ........

شاهى:مال الجو اتكهرب كده ليه ؟فكو بقى وانتى ياست ريتاج طب ملك متضايقه ومعروف هيا متضايقه ليه انتى بقى مالك ؟؟
ريتاج:ماليش يا شاهى
ملك:مش هنمشى بقى من هنا انا زهقت اوى اووووووووووووى
ريتاج:يلا بينا
شاهى:بس انا عايزة اقعد وامشى ليه يعنى
ريتاج:يلا يا شاهى بقى بطلى رخامه
ملك : انا همشى واللى عايز يجى يجى
مشيت ملك ببطء شويه فناداها البنتين ملك استنى جاين معاكى
فضلو ماشين ووليد وراهم لغايه مركبو عربيه والد ملك
وفضلو ساكتين مبينطقوش خالص
ووليد وراهم بالعربيه
وصلو بيت شاهى وسلمت عليهم ونزلت
ووصلو لبيت ريتاج ونزلت ريتاج ومشيت
وفضلت العربيه ماشيه بملك ووراها وليد ودخلو الفيلا بتاعت والد ملك
ووليد ركن قريب منها
وبعدين قال ساكنه في فيلا حلو اوى عيلة فافى يعنى ويضحك عليها بسرعه
قشطه انا بقى هوريها وحياه القلم اللى اخدو ده لاهخليها تندم علي اليوم اللى فكرت تديهولى ,بس ياترى ازاى اممممممم دنا راجع امريكا كمان اسبوعين
طيب الموضوع ده محتاج كوبايه نسكافيه كده وبعدين اشوف الموضوع ده
وركب العربيه ومشى بسرعه
.................................................. ...............................................
نروح لشاهى في بيتها
شاهى : بابا ...بابا ...انا خلصت امتحانات
الاب :ماشى يا شاهى
فتحيه :خلصتى ياختى وفضتيلى ...يعنى ملكيش حجه والشقه دى كل يوم هتلمع
شاهى : اه وابنك اللى زى الخنزير ده ..كل ميروح حته يخليها زباله
فتحيه : خنزير ابنى انا زى الخنزير ...انتى شكلك متربتيش يابت وعايزة تتربى تانى
وقامت ضربتها بالقلم
كل ده والاب واقف ساكت ومبيتكلمش
شاهى : انتِ ازاى تضربينى بالقلم ..انتى مين يعنى ..انت اتجننتى ولا ايه
فتحيه:انا اتجننت ...ايه ياراجل ساكت يعنى مش تشوف بنتك دى ...منتا اللى دلعتها وخلتها كده
شاهى : بقولك ايه انتى مش امى ولا ابويا عشان تضربينى اصلا وملاكيش اى حق في ده ..انتى فاهمة
فتحيه وهى ببتشد ايديها : بت لمى نفسك احسنلك معايا فاهمة ولا لاء
شاهى : اه اه اوعى ايدى بقولك انا مش عايزة اكلمك ولا تكلمينى خالص فاهمة
وجريت شاهى علي غرفتها وقفلت الباب بعنف وقعدت تعيط علي والدها اللى معندهوش شخصيه ووالدتها اللى وحشتها اوى بس مش عارفه تروح عشان فتحيه مسلطه الاب بكده وفكرت في فتحيه وابنها وبيزيد عياطها اكتر
.................................................. .................................................. .......
نسيب شاهى شويه ونروح لريتاج
دخلت ريتاج البيت وهى مخنوقه ومش باين عليها فرحه نهاية الامتحانات
مازن :مالك يا جميل متضايقه ليه
ريتاج : انا مش متضايقه ..فين بابا
مازن: بابا لسه مرجعش ...قوليلى بقى هتخبى علي اخوكى حبيبك
ريتاج: اقولك ايه
مازن: قوليلى متضايقه ليه ..اتخانقتى مع اصحابك
سكتت ريتاج شويه وقالت : يعنى ملك صحبتى منتا عارفها حصلها ظروف كده
مازن بخضه ولكن حاول يخفيها: ملك حصلها ايه
ريتاج تنظر له بأستغراب:وانت مالك مخضوض كده ليه
مازن وهو يدير رأٍسه:لاء وهتخض عليها ليه يعنى
ريتاج بخبث: انا مقلتش عليها ...علي اختك دنا الوحيده اللى فهماك
مازن:المهم حصلها ايه
ريتاج:يعنى شويه ظروف مع اهلها كده
مازن:وانتى ليه مش عايزانى اعرف يعنى
ريتاج:عشان ممكن هى تزعل منى
مازن:طب وهى هتعرف منين
ريتاج:طيب وانت عايز تعرف ليه يعنى
مازن:عادى فضول مش اكتر
ريتاج:فضول برضو وبس ولاحاجه تانيه
مازن:حاجه تانيه زى ايه يعنى
ريتاج:زى يعنى اعجاب او حب في الخفاء
مازن بضحكةعصبيه:حب في الخفاء
ريتاج: اه حب في الخفاء ..قولى بس متخافش مش هقول لحد
مازن:بقولك ايه انتى عايزة تتوهينى ...عملتى ايه في الامتحان
ريتاج:انا برضو اللى عايزة اتوهك ...قولى بس يابنى متخافش مش هفضحك علي النت
مازن : هاهاها ظريفه
وقام واخد مخده وضربها
فقالت: بتضربنى نهارك اسود
وخدت هيا كمان مخده وضربته وقعدو يضربو في بعض وهما بيجرو ورا بعض
لغايه متعبو ورمت ريتاج نفسها علي كرسى : اه تعبت
مازن: وانا كمان
ريتاج: ها لسه مش عايز تعترف بقى
مازن: هعترف لو قولتيلى هى حصل عندها ايه
فقامت ريتاج قالتلو بعد تردد كل حاجه
فقال مازن: يعينى بجد صعبت عليا ...طب وهتسافر ولا ايه
ريتاج: هى لسه مقررتش ومش عارفه بصراحه..ها انا مستنيه اعترافك ولا هتبقى عيل وترجع في كلامك
مازن وكأنو بيكلم نفسه: طب دى لو سافرت هتبعد
ريتاج:طب واه يعنى لما تبعد
مازن:هة .. قلتى ايه
ريتاج: لا ده حب بجنون
مازن: بطلى يابت
ريتاج: اعترف يلا مش هسيبك النهاردة الا لما تعترف
مازن : طيب طيب هعترف
وقال مازن من ساعه معرفتو بعض من 4 سنين وانا متشد ليها قوى وكل متيجى هنا بحاول اقرب منها بس هى بتعاملنى علي انى غريب وشويه حسيت انها حنينه من ناحيتى وبعدين بقت بعيده قوى عنى وفضلت كده من غير مقول لحد حتى لصاحبى .
ريتاج:
ياااااااااااااااه كل ده ف قلبك وساكت طب وليه محاولتش تقول لها
مازن : ملك كانت نظرتها ليا بتوقفنى وبتوه الكلمات من علي لسانى وكان نفسى اقول لها بس مقدرتش
ريتاج: طب لو تحب اقول لها علي كل حاجه


مازن: لاء اوعى بجد هزعل منك انا عايزها لما تعرف يأما يكون منى او حست بيا


ريتاج: علي راحتك يامازن
مازن: ريتاج هى ملك بتحب حد تانى
ريتاج: لا يامازن
مازن:متأكده
ريتاج:طبعا يابنى متأكده احنا عمرنا مخبينا علي بعض حاجه
مازن :ومالك واثقه اوى كده
ريتاج: منت قلتها احنا اصحاب من 4 سنين ومش بنخبى عن بعض حاجه
مازن:طيب ماشى
ريتاج:لاء بيعرج
مازن: يازباله ...يييييييييييه كل شويه توقعينى في الحكايه دى
ريتاج وهى تضحك:وعمرك مهتتعلم
ثم صمتا وكل منهما اخذ ف التفكير فيمن يحب
.................................................. .................................................. ........
وفي بيت ملك
دخلت ملك البيت من غير متنطق بكلمه وكان والدها جالس وندهها
ملك: نعم
عبدالله:اقعدى ياملك عايز اكلمك
ملك:حاضر
وقعدت ملك في هدوء وحاولت متجبش عنيها في عينه نهائى
عبد الله: بصى ياملك انا عارف انك مخنوقه وانك عايزة تعرفى والدك الحقيقى
نظرت اليه ملك بترقب ثم اخذ هو في اشعال سيجارة
ثم قال: انا مستعد اسفرك تدورى عليه بس.....
.................................................. .................................................. .....
عايزين تعرفو ايه اللى هيحصل استنو الحلقه الجايه

حلقه تجنن يلا مش تتاخرى عشان انتى عارفه(من الفضول ما قتل) عايزه تموتينى ولا ايه؟

هههههه انتي فضولك غير اي حد يانشوي
قريب انشاء الله

اسفة عشان مكنتش بحضر الحلقات
بس شكرا على كل الحلقات

عادي ياقمر

سكت الاب شويه
فقالت ملك:بس ايه؟؟؟
عبدالله ينظر اليها بحب ويقول: انا خايف عليكى ..هتروحى بلد غريبه متعرفيش حد فيها ولوحدك...
ملك مقاطعه:بس خالى هناك ممكن انزل عنده
عبدالله:خالك بقالنا اكتر من 4 سنين مش شوفناه ومعرفش ايه اتغير فيه خصوصا قعدوه في بلد زى امريكا وبعدين ده عنده ابن قدك
ملك: بابا طيب خلاص اقعد في اوتيل انام فيه وبقيت وقتى معاهم في بيتهم
عبدالله:بس بردو يابنتى انا خايف عليكى قوى
ملك: متخافش يابابا عشان خاطرى انا نفسى اعرف هو مين نفسى اشوفه واكلمه ممكن
نظر لها عبدالله بالحيرة ثم قال:انا مشغول جدا عشان اروح معاكى بس..ممكن ابعت حد بثق فيه معاكى يكون زى ظلك
نظرت اليه ملك فرحه وشاكرة ثم قالت:شكرا ياحبيبى شكرا يابابا
وقامت باسته وجريت ووقفت فجأه ورجعت تانى :بابا صاحب الملجأ مقاليش هو فين بأمريكا
عبدالله:انا عارف يا حبيبتى
ملك:بجد طب هو فين عشان خاطرى قولى
عبدالله:حاضر ياملك..هو قاعد ف فيلادليفيا
ملك:اها دى مدينه ساحليه صح...ده كمان خالى ساكن هناك
عبدالله :ايوة يا ملك ...والدك هناك رجل اعمال مشهور صاحب شركه ادويه وشركه صناعه سفن وقاطرات بحريه
ملك:بجد..شكرا قوى يابابا..طيب انا هطلع بقى
نظر اليها والدها بخوف وقلق ناجمين عن حب شديد

طلعت ملك غرفتها ومسكت الموبايل وكلمت ريتاج:الو
ملك:ايوة ياريتاج
ريتاج:ملك اخبارك ايه
ملك : الحمد لله ...بقولك انا هسافر وخلاص اخدت موافقه بابا على السفر
ريتاج:هتسافرى ...هتوحشينى اوى
ملك:وانتى اكتر بجد
ريتاج:طب ودراستك
ملك:مش مهم انا مستعده اضحى بأى حاجه ف سبيل انى ألاقيه
ريتاج:طب بقولك ايه متيجى عندى شويه
ملك: اجى عندك
ريتاج:اه ونبى ونبى عشان خاطرى مش كفايه هتسبينى وتمشى
ملك:طيب اوك هقول لبابا واجى
نزلت ملك بسرعه بابا انا عايزة اروح لريتاج
عبدالله :طيب براحه براحه ...روحى
ملك:شكرا يابابا
ملك ممسكه بالفون وهى تصعد ع السلم:الو ايوة يابنتى مسافه السكه وهجيلك

راحت ملك لريتاج ومازن مكانش يعرف وكان ف غرفته
ريتاج: ازيك ياملك اتفضلى اتفضلى
ملك:شكرا
دخلا البنتين غرفه ريتاج
وقعدو يتكلمو وفجأه دخل مازن بسرعه وهو يقول:ريتاج بوصى الشعر اللى انا ألفته عن..
قطع كلامة فجأه لما رأى ملك
وقال: انا اسف مكنتش اعرف انك هنا ياملك ...منورة
ملك:انت بتألف شعر مكنتش اعرف ممكن تسمعنى عشان انا بموت ف الشعر
نظر مازن الى ريتاج التى شجعته فدخل الغرفه ببطأثم امسك بكرسى وجلس بجانب ريتاج وقال: فجأة ... إلتقت عيناي بعينيه

تسمرت في مكاني دون حراك

أخذني في بحر عيو نه المتلاطم

في زورق بدون مجاذيف

أبحرت في بحر عيونه

في بحر لا شاطئ له














وقف الزمن

ولم أعد أشعر بمن حولي

ووقف قلبي

مبهـــراً ... هـــائماً

سارحـاً بخيـــال

وحلم حبها الجميـــل

وإحسـاسها الدافئ

الذي أخذني إلى عالمٍ آخر

عالمٌ تملئه أنفاسي
عالمٌ لا يوجد به سوى
حبها الساحر









عالمٌ عنوانهُ

أنا وهى فقط

حبيبتى
دعني أعترفلك
دعينى أبوح لك


يا من أسرتني

يا من ملكتِ جوارحي

أنتِ سبب حزني وسعادتي وهنائي وشقائي

لقد أحببتك بعقلي قبل قلبي





أعترفلك بأنني اسيرك
حبيبتى




يا أغلى من سكن قلبي

أهواك يا عمري

غرامك هو قدري و سر عشقي
حبك مكتوب عليً منذ ولادتي
عشقتك وعشقت فيك حياتي ودنيتي
عشقي لك يسري
في عروقي وفي دمي
حبك سيطر على نقاط ضعفي
واجتاح جميع مشاعري
وتحكم في أعصابي وسريان دمي
كل يوم يتزايد حبك كالأعصار
ويتغلغل في جسدي











أنا جسد بلا روح

لأن روحي متعلقة فيك

أنا جسد بلا قلب

لأن قلبي هو أنت


لم أفكر يوماً بأحدٍ سواك
جعلتك كل أحلامي
رسمتك في عيني صورةٌ


















لا أملُ منها أبداً

جعلتك في عروقي دماً





لا أعيش بدونه


جعلتني أسير فيه عالمك

وسأبقى لك أسير عاشق






حبيبتى


مهما قسيت عليً ... أحبك

مهما زعلت منك ... أحبك

غيرك مستحيل أن أحب

حبك هو الذي لأجله أعيش

إني أعشقك .. أدمنك











الحب أنت والسحر أنت


ولن ألفــظ سوى كلمة


أحـــــــبـــــــــــــــك


سأبقى سجينك حبيبتى للأبد

سأبقى معك إلى أن يتوقف النبض

سأبقى معك إلى أن يتوقف العمر

سأبقى معك إلى أن يحين أجلي

سابقى معك إلى أن تخلدني البشر

سأبقى معك إلى أن ترحلى معي

أعــشــــــقــك

















نظرت ملك له:ليه سكت كمل


مازن:خلصت


ملك:تحفه اوى يا مازن بجد..ياترى حبيبتك تستحق كل الكلام الجميل ده


مازن:حبيبتى بنت جميله راقيه ف تصرفتها ونظرتها تأسر الجميع ف لحظه


وهى محترمه جدا جدا وهى رقيقه جدا وحسنه المداعبه والمفاكهة


ملك: كل ده


مازن:ده بس كلام مختصر ...انما لو حبيت اتكلم عنها بجد مش هيكفينى سنه كلام عنها


ملك : يا بختها


نظر اليها ملك وكأنه يريد ان يقول لها انها انتى


قالت ريتاج:احم جميله اوى يا مازن يلا عايزة اتكلم مع ملك قبل متسافر


نظرت اليها ملك بغضب ومازن يقول:هتسافر....هتسافرى فين ياملك


ملك:هسافر امريكا يا مازن


مازن:امريكا ....ليه


ملك وتنظر لريتاج وهى ف قمة غضبها ولكن حاولت تكون هادئة مع مازن:الموضوع يطول شرحه


مازن: انا قلتلك قصيده من تألأيفى وقلتلك انى بحب بنت وانتى مش عايزة تقوليلى هتسافرى ليه


ملك:اصل يعنى ..


مازن: اوك اسف الظاهر انى نسيت نفسى معاكى ...اتقبلى اعتذارى مرة تانيه ..بعد انكم


ملك:متزعلش يامازن هخلى ريتاج تقولك


مازن:لاء لو معرفتش منك يبقى مش عايز اعرف من حد تانى


ملك:يعنى هسافر ادور ع والدى الحقيقى


مازن :ووالدك اللى هنا استاذ عبدالله


نظرت اليه ملك:وانت عرفت اسم بابا منين


تذكر مازن انه عرف ده من ريتاج بعد الاعتراف وقال:والدك بينه وبين والدى شغل كتير وانا بشتغل مع بابا


ملك:اه فهمت ...والدى اللى هنا مش والدى الحقيقى


قالتها ملك وهى تنظر ف الارض


نظراليها مازن:وانتى ليه مكسوفه كده ومحرجه يا ملك ...ده مش ذنبك انتى


ملك: بس دى حاجه تخصنى


مازن:قصدك انى تطفلت وانى مكانش المفروض اعرف


ريتاج:انا رايحه اعمل عصير لملك


ملك:لاء شكرا


ريتاج مصممه لتفسح ليهم المجال ليتكلمو : لاء ازاى دقايق وجايه


ومشيت بسرعه


ملك:لاء مش قصدى كده يا مازن قصدى انها تمس كرامتى وتجرح كبريائى


مازن:مالك ياملك بقيتى اكبر من سنك اوى كده ليه


ملك:معلش يا مازن متضايقه شويه


ثم نظرا الى بعض وقال مازن:وانا مش عايزك تبقى حزينه


ملك:ليه


مازن:عشان زعلك غالى عليا


ملك:ليه


قال لها مازن بعد تردد:عشان انا بحبك يا ملك

يا سلام القصة بتدت تحلو حتجيبي الباقي امتة

انا لسا حطاها اصبرو عليه شويه بقي
شكرا ع المرور