اجيال المستقبل
مرحبا بك عزيزي الزائر نرجوا منك التسجيل



 
الرئيسيةبوابةمكتبة الصوربحـثالأعضاءالتسجيلدخول

شاطر | 
 

 يوميات بنات شقاوه بس اخر حلاوه

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4, 5  الصفحة التالية
كاتب الموضوعرسالة
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: يوميات بنات شقاوه بس اخر حلاوه   السبت مايو 22, 2010 9:54 am

[b]دي قصه روعه هتعجبكو خالص انا هنزلها حلقه كل يومين هنزل الاولي ومش هنزل بعدها الا لما اشوف رايكو

ريتاج بتتصل بملك على الفون.
ريتاج : الوووو .
ملك : الووو .. ايوة.
ريتاج : ايوة .. ازيك يا ملوكه.
ملك : الحمد لله .. ازيك انتى يا عسل.
ريتاج : الحمد لله تمام .. إيه؟!
ملك : ايه ايه انتى موش جايه المدرسه بكره ولا ايه ؟
ريتاج : والله مكسله اوى موش عارفه كده مالى.
ملك : لاء يا توتى بليز تعالى بلييييييز .. ده بكره اول يوم هتسبينى لوحدى .
ريتاج بأستهبال :لاء اتحايلى عليا شويه .
ملك بعصبيه :بقولك ايه هتيجى يعنى هتيجى فاهمة .
ريتاج: طيب طيب خلاص يالهوى عليكى .
ملك : هيييييييه هتيجى هتيجى.
ريتاج :طيب روحى جهزى اللبس علشان بكرة ..سلام.
ملك : سلام يا عسل.

تعريف للشخصيات الرئيسيه :
ريتاج بنت جميله وذكيه تبلغ من العمر 15 سنه فى الصف الاول الثانوى العلمى هواياتها كرة السله والقراءه هاديه جدا


ملك بنت جميله وذكيه تبلغ من العمر 15 سنه مع ريتاج فى نفس الفصل
هواياتها القراءة وهى رسامه وعصبيه جدا جدا ومندفعه ومتسرعه
وبتكره المقالب خالص ورومانسيه جدا ومتقلبه المزاج


شاهى بنت قلبوظه وشقيه اوى وبتحب تعمل المقالب موت زى عنيها وبالذات فى ملك هيا مع ملك وريتاج فى نفس الفصل


نكمل القصه :
فى احدى مدارس مصر الجديده قبل طابور الصباح تقابل الاصدقاء من جديد
ملك : شاهى ..ريتاج وحشنى مووت ازيكو يا عيال
شاهى : عيال احنا عيال ماشى ماشى هنردهالك يا ست ملك
ريتاج : اسكتى بقى .. ازيك انتى يا ملوكه انتى كمان وحشتينى (اكنهم مش لسه متكلمين امبارح)
ملك: والنبى يا شاهى مش عايزين مقلب من مقالبك السخيفه دى
ريتاج : اه بلاش مقالبك دى يا سخيفه
شاهى : ايه ده انتو الاتنين عليا ماشى ماشى والله لهتشوفو ..
ويسمعو صوت الجرس
شاهى : ايه ده الجرس رن .. احنا لحقنا
ملك: على رأيك

ولما طلعو الفصل بدأت مقالب شاهى فى مدرسه المنطق
ريتاج : ملك مزهقتيش الست دى عماله تلوكلوك من الصبح وانا مش فاهمة حاجه
ملك: شويه كمان وهطق
تنط شاهى من وراهم وتقول : بتخططو لايه من ورايا
ريتاج : ابدا زهقانين
شاهى :طيب استنو عليا وانا هضحكو دلوقتى
ملك : هتعملى ايه
شاهى : هتشوفى ... يا استاذه يا استاذه
المدرسه : نعم يا شاهى فى ايه
شاهى : انا مش فاهمة حاجه يا استاذه
المدرسه : مش فاهمة ايه يا شاهى
شاهى : مش فاهمة المعادله دى
المدرسه بأستغراب : معادله ايه
شاهى : دى يا استاذه اللى على السبورة .. وبعدين حضرتك وافقه ليه اتفضلى اقعدى اقعدى يا استاذه
المدرسه بحسن نيه : شكرا يا شاهى
ويادوب جايه تقعد يعينى راحت شاهى شدت الحبل اللى كانت رابطاه فى رجل الكرسى وهوووب وقعت المدرسه على الارض
والفصل كلو فى صوت واحد : ههههههههههههههههههاى
وقامت المدرسه وهيا متضايقه اوى : مين اللى عمل كده ايه الكرسى ده اكيد مكسور

ومر اليوم الدراسى وريتاج وملك وشاهى مروحين مع بعض
ريتاج : يوم ممل اوى
ملك : اه بس الا المقلب اللى عملتو البت شاهى ده هههههههه
شاهى : يلا اى خدعه عدو الجمايل ه
وقطع صوتها موبايل ملك
ريتاج : مين بيتصل
ملك بفرحه : ده كريم
كاتب الموضوع سوسو 1994 من منتدى صحبه نت

كريم ولد فى كليه شرطه بيحب ملك وملك بتحبو ذكى جدا وعصبى شويه دمو خفيف

نرجع تانى للقصه
شاهى : يوووو انا مش بحب كريم ده خالص
ملك : اسكتى بقى علشان هرد عليه
شاهى : يووووووو
ملك : الو
كريم : ايوة يا حبيبتى
ملك : ازيك يا كريم
كريم : الحمد لله تمام ازيك انتى
ملك : كفايه عليا انى اسمع صوتك يا حبيبى
كريم :وحشتينى
ملك : ......
كريم : مالك اتكسفتى
ملك : شويه
كريم : حبيبتى بتتكسف يا خواتى
ملك : هههههههههههه
كريم : طيب يا حبيبتى انتى فين
ملك : انا مروحه البيت
كريم : ترجعى بالسلامه رنى عليا لما توصلى
ملك : اوك
كريم : طيب يا حبيبتى انا بس حبيت اطمن عليكى
ملك : اوك
كريم : يلا ترجعى بالسلامة ..باى
ملك : باى
شاهى : خلصتى
ريتاج : فى ايه براحه على البت
ملك : دا انتى رخمة بجد
شاهى : انتى ارخم ... طيب انا وصلت سلام اشوفكو بكره
ريتاج : سلام
ملك : باى
ريتاج : مالك يا بت سرحتى فى ايه
ملك : ه لا ابدا مفيش
ريتاج : لا حول ولا قوة إلا بالله العلى العظيم
ملك : سبينى بقى يا توتى
ريتاج : وكمان بتدلعينى ياسعدو يا هناه
ملك بأستعباط : هو مين ده
ريتاج : لا والنبى شوفو البت
ملك : توتى يلا باى اشوفك بعدين
ريتاج : اوك خدى بالك من نفسك
ملك : اوك وانتى كمان
وفضلت ملك ماشيه سراحانه وبعدين رنت على كريم وطلعت البيت

كده خلص الحلقه الاولى وبعدين القصه هتسخن انتظرو الجديد
لا تحرمونا من ردودكم وتعليقتكم
الرجوع الى أعلى الصفحة اذهب الى الأسفل
نشوي نور الدين
Admin
avatar

انثى عدد المساهمات : 2373
تاريخ التسجيل : 12/05/2010
العمر : 20

مُساهمةموضوع: رد: يوميات بنات شقاوه بس اخر حلاوه   السبت مايو 22, 2010 10:30 am

واوو حلوه قوى

متتاخريش فى الباقى
lol! lol! lol!
الرجوع الى أعلى الصفحة اذهب الى الأسفل
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   السبت مايو 22, 2010 11:03 am

ماشي ياقمر عيوني Smile Smile
الرجوع الى أعلى الصفحة اذهب الى الأسفل
shosho
عضو ماسي
محاسبة المنتدى
عضو ماسيمحاسبة المنتدى
avatar

انثى عدد المساهمات : 961
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   السبت مايو 22, 2010 4:43 pm

انا مش قادرة استنا خصوصا انو البنت شاهي دي شخصيتها روعة يمكن عشان زي اسمي بس انتي نسيتي ناز
الرجوع الى أعلى الصفحة اذهب الى الأسفل
http://shosho1997.ahlamontada.com
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   السبت مايو 22, 2010 8:11 pm

اصبري شويه ياقمر وانشاء الله هنزلها بكره الصبح Smile
الرجوع الى أعلى الصفحة اذهب الى الأسفل
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الأحد مايو 23, 2010 9:32 pm

جينالكم تانى والحلقه التانيه من القصه
وموش هطول يلا اسيبكم مع القصه


بعد ما كل واحده رجعت بيتها
نروح لبيت ريتاج ونشوف ايه هناك
دخلت ريتاج الفيلا بضجه وهى بتقول
ريتاج : ياناس يا عالم انا جيييييييييت
اخوها مازن بأستهبال : نورتى البيت

مازن اخو ريتاج عمره 18 سنه وسيم جدا وطيب وحنون وبيحب اختو
وبيحب يضايقها وبيخاف عليها ودايما ابدا يحب يدايقها

ريتاج : طبعا نورت البيت يا خويا موش انا اخر العنقود
مازن وهو بيطلع لسانو : اخر العنقود مين يا بيبى انتى فاكره انك هتاخدى حب بابا منى لاء انسى
ريتاج بدلع : بابا .. شوف ابنك ده
الاب : بس يا مازن سيب اختك فى حالها

الاب (محمد) حنين اوى وبيحب اولادو وبيحاول يعوضهم عن نقص الحنان بعد فقدان الام وهى توفت فى حادث ومتزوجش بعدها عنده شركه استيراد وتصدير

مازن : تحت امرك يابابا
ثم يكمل هامسا لريتاج ليا كلام معاكى بعدين يابيبى
ريتاج : هتعمل ايه يعنى
مازن : هعمل ايه اصبرى عليا بقى
وقام يجرى وراها وهيا قامت تجرى
مازن وهو بيجرى : هعمل ايه ها خدى هنا يا بت
ريتاج : ههههههاى ياسلام يا بطئ
وقفلت عليها باب غرفتها
مازن : يا خوافه ماشى
ريتاج : اسكت بقى
وراحت غيرت لبسها وصلت ونامت


ثانى يوم فى المدرسه كانت ريتاج قاعده مع ملك قبل الطابور
ريتاج : شاهى اتأخرتي كده ليه
ملك : يا سلام على اساس انها بتيجى بدرى اصلا
ريتاج : على رأيك
ورن جرس الطابور وهما فى نص الطابور جت شاهى وهيا مش قادرة تاخد نفسها
ملك : شوشو فى ايه يا بت ؟
شاهى : ياااه على اللى حصلى انا كونت ماشيه ...
وقبل متكمل جملتها طلعت مدرسه _يعنى يا شاهى كلامك بيتقطع كتير مرة كريم ومرة مدرسه مهزله يعنى _
المدرسه : شاهى جايه متأخرة وبترغى مع اللى جنبك
شاهى : سورى يا استاذه .. انا مليش دعوة هما اللى اتكلمو معايا
المدرسه : طيب اسكتو واسمعو النشيد الوطنى
تحيا جمهوريه مصر العربيه
شاهى : واحد فول واتنين طعميه
ملك وريتاج : هههههههههه يخرب عقلك

وعدت حصه ورا حصه ورا حصه لغااايه مجيه البريك ونزلو
ملك : حد عايز حاجه من الكافتريا
شاهى : اه انا عايزة عصير وشيبسى وكيك و...
ريتاج : بس بس كل ده
شاهى بطريقه تخوف : اه حد عندو مانع
ريتاج بخوف _البت خافت يعينى _: هو انا قلت حاجه
ملك : ههههههههههه
شاهى بنفس الطريقه : وانتى كمان بتضحكى على ايه ياختى
ملك : هاا لاء مفيش انا اسفه والله_ وانتى كمان خوفتى لاحول الله يارب شاهى عامله رعب فى المنطقه والمناطق الجاورة _
شاهى : اه بحسب ناس تخاف متختشيش

وعدت كام حصه كده وبعدين جه مدرس الرياضيات
وشاهى تكره جاحه اسمها رياضيات
ولازم تزهق المدرس فى عيشتو
دخل المدرس
المدرس : صباح الخير ازيكو يا تلاميذ
شاهى : صباح ايه يا استاذ احنا بقينا الضهر
المدرس : طيب يا لمضه ...اتفضلو اقعدو
شاهى : شكرا يا استاذ
المدرس : نبدأ بسم الله توكلنا على الله
شاهى : انت جاى تخطب
المدرس : شاهى كلمه كمان وهتنزلى تحت للعميده
شاهى : سورى يا استاذ
وبرضو مش رحمت المدرس كل ميقول كلمه تتريق عليه لغــايه
المدرس : شاهى اخرجى برا واستنينى عند مكتب العميده فاهمة
شاهى : لا يا استاذ اسفه خلاص ونبى اخر مرة
المدرس : بقول اخرجى مسمعتيش
وانتو فاكرين انها هتسيبو لاء مسبيتهوش برضو
فضلت وملت كيس ميه وبعدين والاستاذ نازل على السلم
هووووووووب ولبسو بقى محتاج يتحط فى الشمس

وخلص اليوم على خير ومحصلش حاجه تانى
وهما ماشين مروحين بيتهم
رن موبايل ملك طبعا شاهى هتفرقع
ملك : كريم بيتصل
شاهى : يوووووووو
ريتاج : شاهى بطلى رخامه
شاهى : والله شكلو هيوديكى فى داهية فى الاخر
ملك : داهية تاخدك

عايزين تعرفو ايه اللى حصل بعد كده
تابعونا وانتظرو جديدنا
الرجوع الى أعلى الصفحة اذهب الى الأسفل
نشوي نور الدين
Admin
avatar

انثى عدد المساهمات : 2373
تاريخ التسجيل : 12/05/2010
العمر : 20

مُساهمةموضوع: رد: يوميات بنات شقاوه بس اخر حلاوه   الإثنين مايو 24, 2010 5:31 am

تابعونا ايه وانتظرو جديدنا ايه هو احنا بنقرا مجلة ماجد
خلصى وحطيهم علي مره واحده احنا زهقنا
الرجوع الى أعلى الصفحة اذهب الى الأسفل
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الإثنين مايو 24, 2010 7:58 am

لالالالا مش هينفع ينزلو كلهم والا في واحده فيكو هتضطر تجيب الباقي وكمان كده احسن بس مقولتيش عجبتك الحلقه؟
الرجوع الى أعلى الصفحة اذهب الى الأسفل
نشوي نور الدين
Admin
avatar

انثى عدد المساهمات : 2373
تاريخ التسجيل : 12/05/2010
العمر : 20

مُساهمةموضوع: رد: يوميات بنات شقاوه بس اخر حلاوه   الإثنين مايو 24, 2010 9:38 am

طبعا عجبتنى عشان كدا مستعجله
خلصى بسرعه
الرجوع الى أعلى الصفحة اذهب الى الأسفل
shosho
عضو ماسي
محاسبة المنتدى
عضو ماسيمحاسبة المنتدى
avatar

انثى عدد المساهمات : 961
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الإثنين مايو 24, 2010 3:47 pm

خلصينا يا بنتي انا مش قادرة استحمل
الرجوع الى أعلى الصفحة اذهب الى الأسفل
http://shosho1997.ahlamontada.com
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الثلاثاء مايو 25, 2010 1:02 am

اصبرو شويه كل يومين مش كتير انا كنت هخليها كل اسبوع ههههههههههههههههه شكرا لمروركم
الرجوع الى أعلى الصفحة اذهب الى الأسفل
ساره
عضو جديد
عضو جديد


انثى عدد المساهمات : 13
تاريخ التسجيل : 25/05/2010

مُساهمةموضوع: رد: يوميات بنات شقاوه بس اخر حلاوه   الثلاثاء مايو 25, 2010 11:48 am

واو اكتر من رائعه بانتظار الباقي
الرجوع الى أعلى الصفحة اذهب الى الأسفل
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الثلاثاء مايو 25, 2010 12:16 pm

شكرا لمرورك ياقمر
الرجوع الى أعلى الصفحة اذهب الى الأسفل
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الأربعاء مايو 26, 2010 7:58 am


ورجعنالكم تانى ونستقبل اول اتصال تلفونى ونقول الــ ... قصدى ونكمل القصه ونقوووول

اخذت ملك فى البكاء وهى فى حضن صديقتيها المقربتين وراحت فى تذكر ما حدث
ملك : الـــو
كريم : ايوة يا حبيبتى
ملك : ازيك يا كريم
كريم : الحمد لله يا حبيبتى ازيك انتى
ملك : انا الحمد لله تمام
كريم : ملك .. انا عايز اقولك حاجه بس متردد
ملك : فى ايه يا كريم قلقتنى
كريم : انا هسافر برا مصر
ملك : ايه هتسافر ليه
كريم : علشان الشغل مانتى عارفه انى بشتغل مع بابا فى الشركه
ملك : طب ودراستك
كريم : هحول ورقى هناك
ملك : يـــاه ده انت مطول بقى
كريم : اه هطول
ملك : طب وانا
كريم : لازم نسيب بعض يا ملك
ملك وهى تنزل دمعه ساخنه من عينها : ايه نسيب بعض
كريم : بابا مصمم انو يجوزنى بنت عمى
ملك : يعنى هتتجوز بنت عمك
كريم : لازم نسيب بعض يا ملك
ملك : بس انا بحبك
كريم : وانا كمان بحبك بس الظروف اقوى منى ومنك
ملك : اتمنى انى اموت على انى اسيبك
كريم : وانا كمان .. سلام يا ملك للأبد
ملك : .................. سلام يا كريم وربنا يوفقك فى حياتك الجديده
كريم : بس انا عايزك تعرفى حاجه واحده انى هفضل احبك مهما حصل
ملك : وانا كمان والله بحبك
كريم : سلام
ملك : ....سلام
ثم اخذت فى البكاء

طبعا اصحابها راحو معاها البيت علشان يخففو عنها بس هيا فضلت سرحانه ودموعها فى عنيها
ريتاج : ملك ... ملك ..هالو حد سامعنى ولا انا بكلم نفسى
شاهى : انا قلتلك بلاش يا ملك الولد ده وانتى صممتى مش انا قلتلك فاكرة ...
ريتاج مقاطعه : ايه يا بنت اسكتى مش هيعمل حاجه الكلام ده بل بالعكس هيزيد حالتها دى
ملك : شاهى لو اتكلمتى فى الموضوع ده تانى بجد هنخسر بعض
شاهى : هنخسر بعض علشان عيل ولا راح ولا جه
ملك : شــــــاهى
ريتاج : خلاص بقى ..
شاهى : ماشى هعمل نفسى مش واخده بالى
ايه مش هناكل ولا ايه انتو معندكمش اكل يا ملك ولا ايه
ريتاج : لاء مش هناكل هنا تعالو نخلى رجب _ السواق _ يوصلنا لمطعم
شاهى : خلاص اوك
ملك: شاهى .. انتى مفيش حاجه تقوليها الا وفيها اكل
شاهى : ههههههه يابنتى احلى خمس حاجات فى الدنيا تلاته الاكـــــل
ملك وريتاج هههههههههههه
شاهى:طب بقول ايه بقى انا جعانه هتغدونا ولا ناكل برااا
ريتاج:لا يلى نأكل برا احسن انا قايله لدادى انى ممكن اتاخر
شاهى: وانا كمان..
ملك:طب اصبروا لما اقول لماما
اول مقالت ملك هقول لماما ريتاج افتكرت مامتها المتوفيه
اخذت تقول فى سرها :وحشتينى اوى يا مامى وحشتينى اوى
رجعت ملك بعد خمس دقايق
ملك:يلا وافقت..
ريتاج وشاهى: يلااا

فى السياره التى يملكها والد ريتاج
ريتاج : رجب ودينا على المطعم
رجب : حاضر يا انسه
شاهى : حط اى اغنيه يا رجب
ملك : حط اغنيه الله يخليهم بتاعت وائل جسار
شاهى : لاء يا ستى احنا عايزين اغنيه روشه مش عايزين نتنكد .. حط اغنيه تسلم بتاعت تامر عاشور
واخذت فى الغناء مع الاغنيه
روح يلا العب غيرها ومتجيش وتجبلى
يجى ميت حاجه اتقالت ومفيش حاجه كملت
كلامنجى اوى وبتحب تبان واحد غلبان وانا باجى عليك
كلامنجى وعمال على بطال اللى بيتقال بتغير فيـــه
تسلم وفر على نفسك اى كلام علشانى تسلم
ريتاج : بـــــــــــــــس صوتك وحش اسكتى بوظتى الاغنيه
كانت العربيه ملفته للنظر وكان صوت البنات عالى كمان

ولما وصلو المطعم جه الجرسون
الجرسون :ايو طلابتكم يا انسات
ريتاج:انا عايزه .............
ملك:وانا زيها
شاهى:اما انا بقى فهاتلى .... و..... و..... بس كده
الجرسون:اى خدمه تانيه؟؟...
ريتاج:لا شكرا...
بعد ماراح الجرسون التفت للبنات وقالت :بنات شايفنين الولدين الى هناك الودا الرخم ده كل شوى يبصلى ويغمز
شاهى:قصدك الى لابس تشيرت سماوى ده
ريتاج:ايووه عليكى لمبه محروقه<<عليكى نوور يعنى لووول
فى نفس الوقت جه الولدين
احمد ابو تى شيرت سماوى _: لو سمحتى يا انسه هيا الساعه كام
ملك : اف على اليوم
شاهى : روح يلا العب بعيد
على _التانى _ : ايه يا انسه احنا بنقولكو الساعه كام مش بنقول تعالو العبو معانا ماتش كورة
ريتاج : الساعه واحده ومعاها عيل
البنات التلاته : هههههههههههه
احمد : ده انتى دمك خفيف بقى
ريتاج : وانت دمك تقيل
احمد : ليه بس محنا كنا حلوين مع بعض
شاهى : روح يلا اركن بعيد
احمد : اركن ليه شايفانى تاكسى .. وبعدين ايه والا دى هتعملى ايه يعنى
ريتاج : عايز تشوف هتعمل ايه
احمد : اه عايز اشوف
قامت ريتاج وقفت ببرود واخدت كوبايه مايه من قدامها وطششششششش فى وش احمد
احمد : ايه ده انتى عارفه انتى عملتى كده فى مين انا هوريكى انا هوديكى فى داهيه
على : احمد يلا يا احمد خلاص مش مشكله دول عايزين يتمنظرو بس
بعد ما مشيو من قدام البنات واحمد يتوعد لريتاج
احمد : والله لوريها البنت المفعوصه دى
على : هتعمل ايه
احمد : هتشوف اما خليتها تندم وتعيط ليل نهار مبقاش انا احمد شهاب

نرجع للبنات بعد ما مشى احمد وعلى البنات قعدو يضحكو ويضربو ايديهم فى ايد بعض
ملك: ايه ده ايه الجراءة دى يا بنتى يالهوى
ريتاج : هههههههههه اى خناقه
شاهى : لاء جدعه يا بنت هههههههههه شوفتو منظرو لما الميه جت عليه ياااى
واخذ الكلام شاهى وريتاج بعيدا عن ملك تمام واخذت هى تفكر فيما حدث مع كريم
فى نفسها:ليه يا كريم كل ذنبى انى حبيتك فين وعودك ليا بس انا الى غلطانه علشان صدقتك جرحتنى وكسرتنى عمرى فى حياتى ماحبيت حد قد ماحبيتك (وبعدين رجعت تلام نفسها)اصلا انا الى غبيه مكانش المفضروض اصدقك من هنا ورايح عمرى ماهصدق حد الرجاله دول ملهموش اماان....

الـــــــــو الـــو الظاهر الخط قطع ...قصدى الحلقه خلصت يلا اشوفكم على خير وفى حلقه تانيه ان شاء الله

الرجوع الى أعلى الصفحة اذهب الى الأسفل
ساره
عضو جديد
عضو جديد


انثى عدد المساهمات : 13
تاريخ التسجيل : 25/05/2010

مُساهمةموضوع: رد: يوميات بنات شقاوه بس اخر حلاوه   الأربعاء مايو 26, 2010 9:11 am

حلقه روعه وتجنن مشكوره
الرجوع الى أعلى الصفحة اذهب الى الأسفل
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الأربعاء مايو 26, 2010 9:15 am

مشكوره علي ردك ساره
الرجوع الى أعلى الصفحة اذهب الى الأسفل
نشوي نور الدين
Admin
avatar

انثى عدد المساهمات : 2373
تاريخ التسجيل : 12/05/2010
العمر : 20

مُساهمةموضوع: رد: يوميات بنات شقاوه بس اخر حلاوه   الأربعاء مايو 26, 2010 9:31 am

مشكوره روعه
الرجوع الى أعلى الصفحة اذهب الى الأسفل
shosho
عضو ماسي
محاسبة المنتدى
عضو ماسيمحاسبة المنتدى
avatar

انثى عدد المساهمات : 961
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الأربعاء مايو 26, 2010 4:27 pm

ليه سابها كان لازم يضحي
Crying or Very sad Crying or Very sad Crying or Very sad Crying or Very sad
هل مرة الحلقة حزينة اكتر من اللازم
مشكورة حبيبتي على الحلقة روعة و حزينة

_________________
الرجوع الى أعلى الصفحة اذهب الى الأسفل
http://shosho1997.ahlamontada.com
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الخميس مايو 27, 2010 2:17 am

مشكورين لمروركم انشاء الله الحقله الجايه هتكون سعيده ياشوشو بس مش ملاحظه حاجه في شاهي؟؟




















انا بحس انها زيك بس كان ناقصها ناز وتبقي انتي ههههههههههه
الرجوع الى أعلى الصفحة اذهب الى الأسفل
shosho
عضو ماسي
محاسبة المنتدى
عضو ماسيمحاسبة المنتدى
avatar

انثى عدد المساهمات : 961
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الخميس مايو 27, 2010 7:45 pm

لا خالص


غير انو اسمها زي اسمي بس

_________________
الرجوع الى أعلى الصفحة اذهب الى الأسفل
http://shosho1997.ahlamontada.com
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الخميس مايو 27, 2010 9:43 pm

معقول؟؟!
انتي كده بتحبطيني كنت فاكره انها زيك ههههههههههه
الرجوع الى أعلى الصفحة اذهب الى الأسفل
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   السبت مايو 29, 2010 4:44 am

ازيكو يا احلى اعضاء بالدنيا معلش ممكن اكون اتأخرت شويه بالحلقه الرابعه
بس اديني جيت وجبتها معايا انا حاولت على قد مقدر ارجع الخط تانى بس هو بيقطع يعنى يلا نبتدى قبل ميفصل

طبعا احمد كان يتوعد لريتاج بشده
احمد : انا هورى البت المفعوصه دى شغلها كويس
على: خلاص بقى يا احمد خلى عقلك كبير وبعدين هتعمل ايه يعنى
احمد : هعمل ايه انا هخليها تركع تحت ركبتى وتعيط بدل الدموع دم
على : ياسلام كل ده علشان رشت عليك شويه ميه
احمد : الحكايه مش شويه ميه بس خلاص انا اخدتها طار شخصى ..عارف انا هعمل معاها ايه بكرة لو جت المطعم
على : هتعمل ايه
احمد : هرسم الحنيه والندم والاسف و....
على : و ايه
على : واللى يحضر الجن يعرف يصرفو
احمد : يعنى ايه مش فاهم
علي بخبث : مش مهم

رجعو البنات التلاته كل واحده علي بيتها بعد ماقعدو يضحكو علي احمد وعلى
شاهى اتصلت بملك
ملك : الـــو
شاهى : ايوة يا جميل
ملك : فى ايه
شاهى : فى مسأله صعبة فى الفزيا مش عارفة احلها
ملك : قصدك اول واحده
شاهى : ايوة عليكى لمبه محروقه
ملك : انا بقى فضلت وراها لحد محلتها
شاهى : طب ايه الحل
ملك : تدفعى كام ؟
شاهى : ادفع بوكس فى سنانك
ملك : لا لا خلاص حلها ياستى .......
شاهى : طيب عايزة حاجه
ملك : عايزة سلامتك ياستى سلام
شاهى : سلام
قفلت ملك الخط مع شاهى ودخلت عليها رنا


رنا اخت ملك عندها 10 سنين عسوله خالص وعاملة زى البسكوته ورقيقة جدا


ملك : ازاى تدخلى من غير متخبطى علي الباب
رنا : اسفه يا ملك ... اصلى كونت عايزة اتكلم معاكى شويه
ملك : عايزة ايه يا مصيبه
رنا : مصيبة ...طب خلاص انا ماشيه
ملك : رنا انتى عارفه انى مبحبش كده انطقى عايزة ايه
رنا :انا قاعده لوحدى ومش لاقيه حد اتكلم معاه
ملك بحنيه : يعينى ..عايزة تتكلمى ف ايه ياحبيبتى
رنا: اصحابى بيضايقونى ف المدرسه
ملك : بيضايقوكى ..ليه
رنا : عشان مش عندى اصحاب وهما بيغظونى
ملك بحنيه اكتر : ملكيش اصحاب يا حبيبتى
اومأت رنا موافقه فأخذتها ملك ف حضنها ومعرفتش تعمل ايه معاها

ف المدرسه
ملك : ازيك يا ريتاج
ريتاج : الحمد لله تمام ...بقول ايه ايه رأيك نروح المطعم تانى النهاردة بعد المدرسة
ملك : ليه
ريتاج : اصل الاكل بتاعو عجبنى اوى
ملك : الاكل بردو ولا الواد بتاع المطعم
ريتاج : واد ايه ده ااااااااه الواد اللى رشيت علية ميه ... لا طبعا انتى اتجننتى ده واد مغرور اوى
ملك: ياراجل
ريتاج : ياست
ملك : انا معنديش مانع الدور والباقى علي اللى جايه دى
شاهى : بتقولو ايه من ورايا
ريتاج : ايه رأيك يا بت لما نروح المطعم بتاع امبارح
شاهى : ليه ..عايزة تشوفيه ...هو وحشك
قالتها وهيا بتغمز لملك ثما انفجرا فى الضحك لما شافو ريتاج من كتر الكسوف بقى وشها زى الطماطم
شاهى : اصلا امبارح كان باين عليكى انو عاجبك
ريتاج : اسكتى بقى خلاص مش رايحه
ملك : بس انا عايزة اروح
شاهى : وانا كمان
ريتاج : طيب اوك
بعد المدرسه راحو البيت غيرو لبسهم ولبست احلى لبس عندها
شاهى : ايه ده ايه القمر ده
ملك : بس بقى ياشاهى متكسيفهاش
شاهى :هههههههههههههه طيب
ولما وصلو المطعم لقو احمد وعلى هناك موجودين
احمد : مش قلتلك هتيجى
على : ماشى ياابو العريف
احمد هو كمان كان متشيك ع الاخر ولابس اللى ع الحبل ههههههههه
واول مالبنات هقعدو راح لهم هو وعلى
احمد : هاى يابنات
شاهى : هاى ورحمة الله وبركاته فى ايه يااخ
احمد : لاء مفيش انا بس كونت عايز اكلم الانسه وهو بيشاور علي ريتاج
ريتاج : مفيش كلام بينا ..وبعدين تكلمنى بتاع ايه اساسا
على : يلا ياعم من هنا دول كلهم لمضين
ملك : بقولك ايه احترم نفسك
احمد : استنى يا على ... بوصى يا انسه المفروض تيجى تعتذرى ليا علي اللى حصل منك امبارح
ريتاج : هو ايه اللى حصل اصلا
احمد : انا هعمل نفسى مش واخد بالى بس انا حبيت اقولك اسف لو كنت ضايقتك امبارح ...سلام
ريتاج : مالك قفشت كده ليه
احمد : اعمل ايه مانتى واصحابك نازلين تريقه من الصبح ..دى غلطتى انى جيت اعتذر
ريتاج : خلاص احنا اسفين يا سيدى
احمد : لا لا ولا يهمك ...خلاص مدام اصتلحنا كلنا انا هعزمكو علي الغدا كلكو
ملك : ايه لاء طبعا مش موافقه
شاهى : انت هتبقشش علينا
ريتاج : استنو بس يابنات ... معلش يا استاذ مرة تانيه ان شاء الله
احمد وهو بيمد ايدو يسلم عليها : خلاص انا اسف على فكرة انا اسمى احمد
ريتاج وهيا بتسلم عليه : عاشت الاسامى يا احمد ..انا ريتاج
احمد : الله ريتاج اسم جميل اوى اوى
ملك : اوووووووووف
احمد : طيب هشوفك تانى بكرة
ريتاج : اه طبعا
احمد : انا سعيد بمعرفتك جدا ..واسف اذا كونت عطلتك ...سلام
ريتاج : انا اسعد .. ولا عطلتنى ولا حاجه ...سلام
وطبعا اول مااحمد وعلى مشيو انهالت الفتاتان ع ريتاج بالاسئله الغاضبه والمحتجه
ازاى تسلمى عليه ؟؟ازاى تقوليلو اسمك ؟؟؟ ازاى...؟؟ازاى..؟؟
وهيا كانت ف دنيا تانيه دنيا الحب والغرام اصلها طبت

ولحد هنا وخلصت الحلقه واشوفكو علي خير فى حلقه تانيه بأذن الله
الرجوع الى أعلى الصفحة اذهب الى الأسفل
نشوي نور الدين
Admin
avatar

انثى عدد المساهمات : 2373
تاريخ التسجيل : 12/05/2010
العمر : 20

مُساهمةموضوع: رد: يوميات بنات شقاوه بس اخر حلاوه   السبت مايو 29, 2010 9:20 am

يا ايه الحلاوه دى ملقيتش واحد احسن من دا
الرجوع الى أعلى الصفحة اذهب الى الأسفل
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الأحد مايو 30, 2010 4:23 am

هتعمل ايه بقي حظها هههههههههههه
شكرا لردك
الرجوع الى أعلى الصفحة اذهب الى الأسفل
ساكورا
Admin
avatar

انثى عدد المساهمات : 2084
تاريخ التسجيل : 05/05/2010

مُساهمةموضوع: رد: يوميات بنات شقاوه بس اخر حلاوه   الإثنين مايو 31, 2010 10:06 am

بعد مارحو من المطعم وراحو تانى يوم المدرسه
ريتاج : ايه يابنات ...هتروحو المطعم ولا ايه
ملك وشاهى بصوت واحد وبغضب : لا لا لا مش هنروح
ريتاج بخوف : طيب طيب يالهوى عليكو ايه ده
شاهى : ايوة كده ناس تخاف متختشيش

عدى يوم دراسى عادى جدا وممل وصاحبتنا ريتاج مراحتش المطعم تعالو نشوف لما ريتاج مراحتش احمد عمل ايه


على : اهى فلسعتك يا معلم ومجتش
احمد : مش عارف ايه اللى اخرها لغايه دلوقتى
على : اخرها ايه ياعم دى مش جايه صدقنى
احمد : طب ونبى نقطنا بسكاتك
على : وانت مالك متضايق اوى كده ليه يعنى ...كل ده عشان مجاتش
احمد :ملاكش دعوة ياخويا ...انا مش متضايق ولا حاجه
على : ياراجل امال لو كنت متضايق كنت عملت ايه ..قمت ادتنى الم ولا حاجه
احمد : لو مسكتش احتمال ده اللى يحصل
على : بجد ...لا ده انت فعلا متضايق اوى
احمد : هيا دى .....لاء مش هيا ....يوووووووو انا ماشى
على : طيب يلا بينا ... ثم يهمس : دنتا هتفرقع
احمد : ايه مسمعتش
على : ولا حاجه ....يلا

ف بيت ملك ،ملك قاعده بترسم ودخلت عليها رنا خطفت الفرشه من اديها وملك تكره حد يمسك حاجه من ادوات الرسم بتاعتها فقامت تجرى ورا رنا التى انطلقت ف الجرى وملك تصرخ بها :انتى يابت هاتى الفرشه يازباله
رنا ببرأه : ياماما ...ملك بتضربى
الام :ملك سيبى اختك ..انتى كبرتى لسه هقولك دى مش قدك
عيب عليكى كده سبيها
ملك : انتى بتقولى انا كده ليه هيا اللى دخلت عليا وانا برسم وخطفت الفرشه منى
نظرت الام لرنا بغضب فخافت رنا وقالت ببرأه:ماما ...مكانش قصدى
ملك : ياسلام ...عارفه يابت انتى لو مسكتى حاجتى تانى هعمل فيكى ايه
رنا : مامــــــــــــــــــا
الام : خلاص ياملك اعملى احترام ليا شويه ...تعالى يا رنا وسيبى اختك
خرجت الام واكملت ملك رسمها المبدع

نروح بقى شويه علي بيت شاهى
فتحيه :انتى يابت ياشاهى ...يابت انتى فين ....تعالى هنا يلا


فتحيه زوجه ابو شاهى (شوفتو اللفه دى ) قاسيه جدا جدا علي شاهى تزوجها والد شاهى عقب طلاقه لوالدتها



شاهى : نعم ...في ايه
فتحيه : ردى عدل يابت ... روحى اعدلى الاوض كلها يلا
شاهى : وانا مالى انا
فتحيه : نعم ياختى ايه وانا مالى دى ..هو انا الخدامه اللى جبهالك ابوكى
شاهى : ايوة انا مالى مش ابنك هو اللى عمال يبهدل الدنيا ..استحملى بقا
فتحيه : انتى يابت اتعدلى معايا والا والله لهكون مورياكى شغلك
شاهى : هتورينى ايه ليه وانتى فاكرة انك هتقدرى تعملى حاجه
فتحيه : لاء مش انا اللى هعمل ..ابوكى اللى هيعمل ...انت ياراجل تعال شوف بنتك

الاب (مصطفى ) ملهوش دور خالص في تربيه بنتو وهو كمان قاسى عليها واخدها من والدتها بجحه انها اتجوزت

الاب : متلمى نفسك يابت ...دى اكبر منك ...متنسيش نفسك
شاهى :يابابا ..يعنى يرضيك كده الواد ابنها ده عمال بيبهدل ف الشقه وعايزانى انا اعدلها ..ليه يعنى ..هيا اللى متنساش نفسها ولا هيا ولا ابنها كفايه اننا ...
فتحيه مقاطعه : كفايه ايه يعنيا كفايه ايه ..لاء كفايه انتى بقى واتلمى كده بدل ملمك انا
نظرت شاهى لابوها وكأنها تستنجد به فلم يبالى بها فدخلت غرفتها مسرعه وهى تبكى

معلش انا عارفه انها حلقه صغيرة بس هعوضهالكو قريب ان شاء الله
الرجوع الى أعلى الصفحة اذهب الى الأسفل
 
يوميات بنات شقاوه بس اخر حلاوه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 5انتقل الى الصفحة : 1, 2, 3, 4, 5  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
اجيال المستقبل :: قسم الروايات :: قصص اجتماعية-
انتقل الى: