الفرق بين البنات والولاد

بعد البحث والتدقيق ثبت أن البنت أحسن من الولد :


1.البنت بتتكلم براحتها فى التليفون وأبوها أو جوزها هو أللى بيدفع الفاتورة في الأخر.


2.البنت مش ملزمة تجهز نفسها أبوها أو البيه (خطيبها) هم أللى هايدفعوا دم قلبهم.


3.مفيش حد بيبص على بدلة العريس كله بيبص على فستان العروسة.


4.لو واحدة عملت مخالفة وعيطت شوية للظابط هايعديها لو راجل هاياخد على دماغه.


5.لو واحدة ماأدتش قرايبها عيدية مش هايقولوا عليها بخيلة هايقولوا أصل العيب على جوزها.


6.لو واحدة أتأخرت على المحاضرة ممكن الدكاترة يدخلوها لو ولد ها يقولوا روح يا بابا كمل نوم برة فى الشمس.


7.لو حصل زعل بين البنت وباباها مش هايطردها برة البيت ..وهى بس يادوب تعيط شوية وبابا ها يروح يصالحها علطول... أما الولد فيادوب يلحق مكان ينام فيه جنب البواب


8.الدلع


دلع البنات:


ياختى قميلة ( سنتين)


يا عسولة( 5 سنين)


يا عروسة (12 سنة)


ياقمر (18 سنة)


يا هانم(40 سنة)


يا أم العيال (50سنة)


ياست الكل (60 سنة)


دلع الولاد :


انت ياد (10سنين)


انت ياشحط بقيت طول الباب (18سنة)


يا راجل (40سنة)


يا عم الحاج (50سنة)


يا راجل يا عجوز مناخيرك أد الكوز (60سنة)

ههههههههههههههههههه
عندك حق

هههههههههههههههه اول مره حد يقولهالي شكرا لمرورك

صح والله
هههههههههههههههه

شكرا لمرورك

ههههههههههه ايوه صح مشكوره

شكرا لمرورك ساره

هه احنا مظلومين ونطالب بحقنا هيه

شكرا لمرورك بس احنا ظالمين مش بندي حد حقه هههههههههههههه

ماشي ماشي افتكريها هههههههههههههههههههه

هو انتو عاوزين تاخدوا زمنكو و زمن غيركوا زمان كان الولد مقدس دلوقتي العكس
لازم ناخد الفرصة و نستغلها ابشع استغلال

صح يا شوشو
هنوريكو الويل

هههههههههههه مكنتش اعرف ان احنا ظالمين كده ههههههههه مشكوره علي المرور

لا مش ينفع كدة انا اطالب بحقوق الرجال فى العالم كلة

واحنا مش هنديكو حاجا عندك مانع

ههههههههههههههه ايوه صح احنا ظالمين مش بندي حد حقه ههههههههههه

اة عندى مانع ولو مش هتدونا حققنا جاى يوم احنا خناخد فية حققوقنا ................

ورونا شطارتكوا
ده لو قدرتوا تعملو شي
المرأة تلتربع المجتمع

ههههههههههههه اي صح ياشوشو ابقو قابلونا ان قدرتو تاخدو حق واحد